Gipalig-on sa lokal nga panggamhanan sa Piñan ang ilang sistema ug serbisyo human sa presentasyon sa Observations and Recommendations for CY 2025 Audit, aron masiguro ang klaro, tarong, ug epektibong pangagamhanan.
Gipadayag sa pamunuan nga padayon nilang giuna ang transparency, accountability, ug efficiency sa pagdumala, samtang ang resulta sa audit giisip nga importante nga giya sa pagpaayo sa ilang mga proseso.
Giklaro usab nga seryoso nilang gitan-aw ang tanang findings ug rekomendasyon, ug nangako nga magpatuman og tukmang lakang aron masulbad ang kakulangan, mapalambo ang pagsunod sa balaod, ug mapalig-on ang pagsalig sa katawhan.
Gibutyag sa Piñan LGU nga kabahin kini sa ilang padayon nga paningkamot sa paghatag og responsableng serbisyo publiko, uban sa tumong nga mapalambo ang kahimtang sa komunidad ug mas mapakusog ang maayong pangagamhanan.(JENIFFER JR. DELICA)
Source: Mayor Rommel Gudmalin