Nagpaabot og mainitong pagpasalamat ang Local Government Unit (LGU) sa Gutalac ngadto sa mga magtutudlo, coach, atleta, organizers, volunteers ug tanang nitampo sa malampusong pagpahigayon sa Cluster 5 Sports Meet 2026 gikan Agosto 21-23, 2026.
Gipadayag sa LGU Gutalac ang ilang dakong pag-ila sa Gutalac DepEd 1 ug 2, ubos sa pagpanguna sa ilang tagsa-tagsa ka Public Schools District Supervisors (PSDS) nga sila Dr. Danilo B. Alga ug Dr. Simlo A. Lomarda, tungod sa ilang dedikasyon, panaghiusa ug kakugi aron mahimong malampuson ang maong kalihokan.
Gipasalamatan usab ang mga magtutudlo, coach, atleta, organizers ug volunteers nga walay kakapoy nga naghatag sa ilang panahon, kusog ug kasingkasing alang sa kalampusan sa sports meet.
Nagpaabot usab og mainitong pagdawat ang Gutalac ngadto sa mga bisita ug delegado gikan sa Tampilisan, Kalawit ug Labason Districts. Gipasalig sa LGU nga ang ilang pagbisita usa ka oportunidad aron mapakita ang tinuod nga Gutalacnon hospitality ug mahatagan sila og komportable ug maayong kasinatian.
Labaw pa sa kompetisyon ug mga dula, gipakita sa maong kalihokan nga pinaagi sa panaghiusa ug kooperasyon, posible ang paghimo og makahuluganon nga mga kasinatian ug mas lig-on nga panag-uban alang sa mga estudyante ug sa tibuok komunidad.
Ubos sa makanunayon nga pagpanguna ni Mayor Eddie Justin T. Quimbo, padayon nga gipasaligan sa LGU Gutalac ang paghatag og Excellent, Just, Quality Service, nga nakabase sa mga prinsipyo nga Gugma, Respeto, ug Serbisyo.(IKEN B. GULLEM)
Source: LGU GUTALAC- PUBLIC INFORMATION