GUTALAC, Zamboanga del Norte – Naghatag og assistive device ang Lokal nga Kagamhanan sa Gutalac sa usa ka Person With Disability o PWD Gutalacnon niadtong Enero 19, 2026, isip kabahin sa programa sa munisipyo alang sa inklusibong serbisyo publiko.
Gipangulohan ang kalihukan ni Municipal Mayor Eddie Justin Quimbo, nga nagpunting sa paghatag og hustong suporta sa mga sektor nga adunay espesyal nga panginahanglan, aron mapauswag ang ilang kahimtangan ug mas mapadali ang ilang adlaw-adlaw nga kalihukan.
Ang maong inisyatiba nagpamatuod sa padayon nga paningkamot sa LGU Gutalac sa pagpalig-on sa inklusibong pangdumala, diin gihatagan og bili ang equality, dignidad, ug serbisyo alang sa tanang Gutalacnon.(JENIFFER JR. DELICA)
Source: LGU Gutalac- Public Information