Mipagawas og Update ang Lokal nga Pangagamhanan sa dakbayan sa Dapitan, niadtong nakalabay’ng Setyembre 02, 2025, kabahin sa pag-obserbar sa Muslim Legal Holiday, diin masinatian sa mga Government Employee ning maong Probinsiya ang Long Weekend.
Base sa Update sa Dapitan Lgu, nga ugmang adlawa, Setyembre 05, ning tuig 2025, ipahigayon ang paghandom sa Mawid Un Nabi kon Birthday of Prophet Muhammad (S.A.W), diin ang nasangpit nga Selebrasyon, subay sa Presidential Decree 1083, nga mas naila nga Code of Muslim Personal laws ot the Philippines.
Tungod niining maong paghandom sa Muslim Legal Holiday, walay klase ang mga magtutungha sa tanang Level sa Pampublikong Tulonghaan ning maong Probinsiya, lakip na ang mga nagtungha sa Kolehiyo, maingon man ang mga Empleyado sa matag Pampublikong Buhatan, gawas lamang sa mga Uniform Personnel’s, nga magahatag og Seguridad sa Publiko.
Tungod sa masinatian nga Long Weekend sa mga katawhan ning maong Lalawigan, gipahimangnoan sa mga awtoridad ang si kinsa man, nga kon kamo adunay plano nga mobiya sa inyong panimalay alang sa inyong mga Family Bonding o kaha sa inyong mga pagdo-aw sa inyong mga minahal sa kinabuhi, pihua una ninyo nga walay unsa mang mga gadget’s o mga aplayanses nga nakasaksak sa mga outlet, aron malikayan ang mahimong insidente sa Sunog.
Maingon man nga pihuon usab nga naka sarado pag-ayo ang inyong pinuy-anan, aron dili kini masulod sa mga Kawatan.(Julius Esmade)