Estriktong ipatuman sa Lgu Dapitan, ngadto sa mga Motorista, ang Ordinance number 2014-303, nga may kalabutan sa Traffic Ordinance sa nasangpit nga Dakbayan.
Nasayran, nga base sa Ordinance Number 2014-303 sa Article-XI Section-3, mokabat sa 13 ka mga Voilations ang hugtanong ipatuman niini, ngadto sa mga Motorista nga makasupak sa naasoy nga Ordinansa, kabahin sa Trapiko sa nahisgutang Dakbayan.
Matud pa, nga sa 13 ka Traffic Voilations sa nasangpit nga Ordinansa, usa niini ang pinakabug-at, kon masakpan, nga ang nagabyahe o namasahiro og Motorcab nga walay Franchize kon (Culorum), mamultahan kini og Php1,000.00.
Samtang ang masakpan nga nagmaneho nga walay Lisensiya, maingon man, Muffler og walay Silencer ang Trambutso sa Motor nga iyang gigamit, mamultahan kini og Php500.00.
Bisan kadtong mga nagdrive nga Expire na ang ilang Lisensiya, walay maipakita nga OR/CR sa sakyanan nga iyang gimaneho, walay Headlight, dayon kon adunay moreklamo nga sobra ang gisingil nga plitehan, maingon man, kon masakpan nga namasahiro nga naka Sando, Short ug Tsinelas, mapenaltihan kini og tag Php300.00, sa matag Voilation nga iyang nasupak, gawas lamang kon ang masupak sa usa ka Driver, mao ang dili kompleto ang mga gi-,required nga mga suga, kay mamultahan lamang kini og Php150.00.
Tungod niini, giawhagan ang tanang mga motorista sa nasangpit nga Syudad, nga ilang likayan nga masupak ang unsa mang Ordinansa, nga gipatuman niini, aron malikayan nga makabayad og Multa, bugti sa nabuhat nga kalapasan sa Balaod sa nahisgutang Dakbayan.(Julius Esmade)