Gisalmotan sa mga personahe sa Bureau of Fire Protection (BFP) sa Dapitan City Fire Station, ubos sa pagpanguna ni Fsinsp. Aprilyn B Barbaso, nga maoy OIC City Fire Marshal sa nasangpit nga dakbayan, ang gipahigayon nga Blood Letting Activity, nga gi-organisar sa Rotary Club of Metro Dipolog, didto sa Dapitan City Govenment Center, niadtong nakalabay’ng adlaw, Setyembre, 06, ning tuig 2025.
Lakip usab nga mipartisipar sa nasangpit nga aktibidad, ang Philippine Air Force, 2nd Air Force Group Reserve, Lgu Dapitan, ug ang Dr. Jose Rizal Memorial Hospital, nga maoy nag-facilitate sa naasoy nga Blood Letting Activity.
Nasayran nga ang maong kalihokan, nagdala sa Tema nga, ‘Dugo mo, Buhay Ko, A Call for Saving Lives” nga matud pa, sa matag tinulo sa Dugo, nagsimbolo sa Regalo nga Kinabuhi.
Nagmalampuson matud pa ang nahisgutang programa, pinaagi sa pagpaningkamot sa Club Project Chair, sa Rotary Club of Metro Dipolog, nga si Mr. Al Dexter B. Gumera, ug ni Ms. Mary Lyn A. Torralba, ang RC Metro Dipolog President.(Julius Esmade)