Sikop ang usa ka Alyas Nardo 43 anyos nga residente sa Sitio Leop, Barangay Ilaya, Dapitan City gereport sa iyahang 17 anyos nga anak nga Si Alyas Ron nga nagpabuto sa iyang pusil sa may ala una ang takna sa kadlawon kagahapon adlawa Pebrero 16.
Sa gipahigayon nga imbestigasyon sa Dapitan City Police, nangayo ug pakitabang sa Ilaya Compac ang anak sa suspetsado diin daling gerespondihan sa dayun sa mga kapulisan ug dihadiha nadakpan ang suspek nga si Alyas Nardo.
Sumala pa sa taho hubog sa ilimnong makahubog si Nardo,ug mikuha sa pusil ug nagpabuto,matud pa sa mga nakasaksi ang suspek adunay gihambin nga balatian tungod kay emotionally depressed hinungdan sa kamatayon sa iyahang inahan.
Usa ka unit sa kalibre 38 nga revolver nga adunay mga buhing bala ug usa ka basyo sa kalibre 38 ang nakuha sa sulod sa iyang panimalay.
Kahibaloan ang suspek ang anaa na sa kustudiya sa Dapitan City Police Station ug gipasakaan na ug kasong paglapas sa R.A 10591 kon Comprehensive Firearms And Ammunition Regulation Act. (Angelica T. Obina, RPN DXKD Correspondent)