Angol ang usa ka lalaki homan kini gipusil sa makadaghang higayon sa usa ka wala pa mailhi nga suspek mga 4:35 sa hapon niadtong Hunyo 27, 2026, sa Barangay Kauswagan, Baliguian, Zamboanga del Norte.
Ang maong biktima naila nga usa ka lalaki, husto ang pangidaron,minyo, ug residente sa susamang Barangay ,kinsa naglingkod atubangan sa iyang tindahan niadtong tungura sa dihang kalit nga giduol sa usa ka wala mailhing suspek ug gipusil siya sa makadaghang higayon ug ang maong pagpamandhig gikumpirma sa Baliguian Municipal Police Station (MPS).
Diha-diha dayon sa pagkadawat sa report sa alas 4:45 sa hapon, ang mga personahe sa Baliguian MPS dali nga nagpadala sa pinakaduol nga mga patrol unit, mga imbestigador, ug usa ka ambulansya sa lugar.
Sa pag abot sa mga miresponde nga mga personahe ,nakita nga ang biktima nakaangkon og mga samad pinusilan sa wala nga bahin sa liog ug sa likod sa wala nga dalunggan ug gidala dayon sa iyang pamilya sa Siocon District Hospital alang sa emerhensya nga medikal nga pagtambal.
Samtang ang suspek kinsa mao ang mipusil sa biktima,gihulagway nga usa ka wala mailhing lalaki nga midagan dayon human sa insidente sakay sa usa ka pula nga RUSI nga motorsiklo padulong sa Munisipyo sa Siocon, Zamboanga del Norte.
Sa inisyal nga impormasyon nagpakita usab nga ang suspek nagsul-ob og jacket ug itom nga face mask sa panahon sa insidente.
Dungan niini, gilunsad ang mga operasyon sa dragnet, ug ang koordinasyon gihimo uban sa Zamboanga del Norte Police Provincial Tactical Operations Center (ZN-PTOC), ang Provincial Mobile Force Company (PMFC), ug mga kasikbit nga estasyon sa pulis alang sa pagpahigayon sa mga checkpoint ug mga operasyon sa paggukod sa tanang posibleng mga ruta sa pag-ikyas.
Gihangyo usab ang tabang sa Scene of the Crime Operatives (SOCO) aron maproseso ang lugar sa krimen.
Gipasalig sa Baliguian Municipal Police Station sa publiko nga ang mga imbestigador padayon nga nagtigom og ebidensya, nag-ila sa suspek, nagtino sa motibo, ug nag-andam sa mga kinahanglanon nga dokumento alang sa pagpasaka sa angay nga mga kasong kriminal.
Giawhag sa mga personahe ang bisan kinsa nga nakasaksi sa insidente o adunay impormasyon nga makatabang sa imbestigasyon nga makig-alayon dayon sa Baliguian Municipal Police Station o magreport pinaagi sa Unified 911.
Ang tanang impormasyon nga madawat pagaisipon nga hugot nga kompidensyal ug ang Baliguian Municipal Police Station nagpabilin nga lig-on sa ilang pasalig sa pagpanalipod sa komunidad ug pagmintinar sa kalinaw ug kahusay.
Gipasilg niini sa publiko nga ang tanang legal nga paningkamot gihimo aron madala ang naghimo sa krimen ngadto sa hustisya ug masiguro ang padayon nga kaluwasan ug seguridad sa mga tawo sa Baliguian.(MEDALYN U. BORJA)
Source: PNP Baliguian Municipal Police Station