Sikop ang usa ka lalaki nga si Alyas Boy, sa hiniusang operasyon batok sa paghopot sa illegal nga paboto, hinungdan sa pagkompiska niini sa mga kapolisan pinanguluhan sa Dipolog CPS inubanan sa ZNPIU, kaniadtong alas 7:45 sa gabie, Decembre 31,2024.
Ang suspetsadong si Boy,43 anyos, minyo ug lumolupyo sa Barangay Barra, Dipolog City.
Nakompiska gikan posisyon sa dinakpan ang 9 kabuok nga Goodbye Philippines,13 reams 5 Star, 14 packs OG Thunder, 57 box Pop Pop. Ang mga nakompiskang paboto gibanabana nga mokantidad sa 6,060 ka pesos.
Ang mga nakompiskang item ang anaa na karon sa kostodiya sa mga kapolisan alang na sa tukmang disposasyon. (Angelica T. Obina)