Usa ka Lalaki nga gituohan nga (SLI) ang nasikop sa mga otoridad sa gipahigayong buy-bust operation batok sa ilegal nga drugas, mga alas 10:14 sa gabii, Pebrero 27, 2024, didto sa Purok Red Rose, Brgy. Miputak, ning dakbayan sa Dipolog.
Ang maong suspetsado giila nga si Fernando Poson Ariston Jr, 43 anyos lalaki, minyo, walay trabaho ug residente sa Purok Red Rose, Brgy. Miputak, Dipolog City.
Gidakop ang suspek sa pagpamaligya niini ug usa ka pakete sa small size heat-sealed transparent plastic sachet nga adunay sulod nga white crystalline granules nga gituohang “shabu” hinungdan nga gisikop kini pinaagi sa hiniusang pwersa sa mga personahe sa Dipolog CPS (SDET), pinangulohan ni PLT BERJOHN TIANOK sa lead unit, kauban ang RDEU 9, ZNPDEU, RA-ZN RID 9, 1 ZNPMFC ug 901st RMFB 9 sa koordinasyon sa ZN Ang PDEA 9.
Atol sa operasyon,nasakmit gikan sa possession sa suspek ang usa ka piraso sa Php 1,000 bill, nga gigamit isip buy bust money ug gituohang delikado nga drugas nga adunay standard nga presyo nga mobalor sa Php 6,800 ug motimbang sa 1 ka gramos. (Medalyn U. Borja, RPN DXKD Correspondent)
(Source: Dipolog CPS)