Gikalipay pag ayo sa usa ka Centenarian na Lola human niya nadawat ang P100,000.00 na financial grant gikan sa Cebu Provincial Government niadtong niaging adlaw, Marso 1, 2024, didto sa San Fernando Gym, Sugbo.
Si Lola Sulpicia Baricustro, residenti sa Barangay Inoburan, dakbayan sa Naga, probinsya sa Sugbo.
Lakip na nadawat certificate of entitlement sa Sugbo Negosyo, ABAG Sugbo cards, vitamins, family food packs gikan sa DSWD, 5 kilos na bugas humay.
Mismo si Cebu Gov. Gwen Garcia ang nipaabot sa mga assistance ngadto ni Lola Sulpicia.
Apil usab nga mga beneficiaries sa Provincial Caravan ang 7 ka mga Nagahanong PWD nga nakadawat og assistive device sama sa wheelchairs ug quad canes.
Gihatagan usab og mga Sugbo Insurance Cards ang mga Barangay Officials apil ang mga BHW, BNS, Tanod ug Lupon.
Nakadawat usab ang City of Naga og ₱8.2 million gikan sa Cebu Provincial Government para sa mga infrastructure projects sa City Government ug sa mga barangays. (Renante Lada)
(News & photo courtesy of Naga City LGU)