Sa nagpadayun nga kampanya batok sa loose-firearm,usa ka lalaki ang nadakpan atol sa gihimo nga search warrant operation sa kapulisan tungod sa pagpanag-iya og dili lisensyado nga armas,didto sa Barangay Poblacion, Kalawit, Zamboanga del Norte, Septiyembre 28,2025.
Ang maong dinakpan nakuhaan sa otoridad ug usa ka Delta Elite Cal. 45 nga pistola, usa ka magazine, unom ka piraso sa buhing bala sa Cal. 45 nga pistola ug usa ka blue sling bag.
Ang operasyon gihimo pinaagi sa mga personahe sa Kalawit MPS, uban sa mga personahe sa 2nd PMFC , pinasikad sa search warrant nga may kalabotan sa paglapas sa RA 10591 “Comprehensive Firearms and Ammunition Regulation Act” kalabot sa SACLEO
Kining malampuson nga operasyon nagpasiugda sa walay puas nga dedikasyon sa atong mga personahe sa pagwagtang sa kriminalidad ug sa pagpanalipod sa atong mga komunidad.(Medalyn U. Borja)
Source: KALAWIT MPS ZNPPO