Usa ka aksidente sa sakyanan ang nahitabo sa National Road, Barangay Mantivoh, Sibuco, Zamboanga del Norte mga alas 8:00 sa buntag niadtong Mayo 31, 2023.
Sa inisyal nga imbestigasyon nasayran nga usa ka Bajaj nga three-wheeler nga motorsiklo, gimaniho ni Sahini Callon Dais uban sa duha ka mga pasahero nga giila nga sila si Biddaria Mahilin ug Noraida Lumungkal Norilla gikan sa Sirawai paingon sa Sibuco.
Sa pag-abot sa paubos nga bahin sa national road sa Barangay Mantivoh, ang maong motorsiklo nawad-an og break ug nahagba sa pangpang sa karsada nga miresulta sa pagkaangol sa mga biktima. Ang mga biktima daling gi-rescue ug gidala sa mga residente sa Brgy. Mantivoh ngadto sa Sirawai RHU apan ang drayber gideklarar nga dead on arrival sa attending physician nga si Dr. Gay M. Arellano samtang naangol ang iyang duha ka mga pasahero ug parehong gibakwit sa Zamboanga City Medical Center alang sa dugang medikal nga pagtagad.
(Source: PNP Zamboanga del Norte)
