Dipolog: Lalaki nga nagpayuhot sa ilegal nga drugas, sikop sa buy-bust operation

0
13
(Photo credits to the owner)

Sikop ang usa ka 30 anyos nga Lalaki sa gikasa nga drug buy-bust operation sa mga personahe sa kapulisan batok sa ilegal nga drugas, mga alas 11:48 sa gabii, Hunyo 10,2024,didto sa South Curvada , Brgy Galas, ning dakbayan sa Dipolog.

Ang dinakpan naila nga si Cesar Ian Sicuya Bagasina, 30 anyos, lalaki, ulitawo, walay trabaho, ug residente sa Purok Rosal, Brgy Sta. Filomena, Dipolog City, Zamboanga Del Norte ,kinsa nailhan nga usa ka Street Level Individual (SLI).

Nasikop kini pinaagi sa personahe sa Dipolog CPS (SDET) pinangulohan ni PLT BERJOHN TIANOK (lead unit) kauban ang RDEU 9, ZNPDEU, 1st ZNPMFC ug sa pakig-alayon sa ZN PDEA 9.

Nasakmit gikan sa possession ug control sa suspek atol sa operasyon mao ang; Usa ka piraso sa big sized heat-sealed transparent plastic sachet nga gituohang “shabu”, usa ka piraso nga small sized heat-sealed transparent plastic sachet nga gituohang “shabu”; Usa ka piraso sa 1,000-peso bill isip buy bust money,Usa ka unit sa Samsung keypad nga kolor puti nga adunay sim card; Usa ka piraso sa P100.00 peso bill isip cash money.

Ang mga narekober nga ebidensiya sa droga,adunay gibana-bana nga gibug-aton nga 1 ka gramo ug adunay standard nga presyo nga mobalor sa P6,800.00. (Medalyn U. Borja)

(Source: Dipolog CPS)

Leave a Reply