Usa ka malampusong law enforcement operation nga gilusad sa mga Criminal Investigation and Detection Group (CIDG) Zamboanga del Norte Provincial Field Unit, uban sa koordinasyon sa mga personahe sa Dipolog City Police Station, ang miresulta sa pagkasikop sa usa ka lalaki alas 11:44 sa buntag niadtong Hunyo 24, 2025.
Ang dinakpan naila nga si John Stephen Matig-A Arevalo, lalaki, 45 anyos,minyo ug lumulupyo sa Barangay Galas ning dakbayan sa Dipolog.
Ang pagdakop gihimo pinaagi sa usa ka Warrant of Arrest nga giisyu ni Hon. Chad Martin Paler, Presiding Judge sa Municipal Trial Court in Cities (MTCC), Branch 1, 9th Judicial Region, Dipolog City, pinetsahan ug Hunyo 20, 2025, tungod sa krimen nga Estafa, nga gi-docket ubos sa Criminal Case No. A-95270, nga adunay girekomendar nga piyansa nga Php 30,000.00.
Ang dinakpan daling gidala sa CIDG Zamboanga del Norte Provincial Field Unit alang sa dokumentasyon ug pagpasaka ug kaso.(Medalyn U. Borja)
Source: ZNPPO