Nasikop sa gikasa nga hiniusang operasyon sa mga personahe sa kapulisan ang usa ka lalaki, mga alas 11:00 ang takna sa buntag Pebrero 20,2025, didto sa Brgy. Dawo, Dapitan City.
Ang akusado naila nga si Berben Carbonilla Leones, 30 anyos, walay trabaho ug lumulupyo sa Lubing Ugis, Galas, dakbayan sa Dipolog, kinsa gisikop pinaagi sa Dapitan CPS ug Mabuhay SBC 5th SOU sa kasong Economic Abuse ubos sa R.A. 9262 ubos sa warrant nga giisyu ni Hon. Florendo Bolante Opay, Family Court, Branch 4, Dapitan City, nga adunay piyansa nga Php 72,000.00.
Ang suspek gipahibalo sa iyang mga katungod ug naka kustodiya na kini sa Dapitan CPS alang sa tukmang disposasyon. (Medalyn U. Borja)
(Source: ZNPPO)