Balhog sa prisohan ang usa ka lalaki homan masiko sa gipatuman nga Intel driven operation sa mga tinugyanan sa balaod, mga alas 6:15 Ang takna sa kagabhion niadtong Marso 18, 2025, didto Purok 7, Lawis, Brgy. Daanlungsod, Toledo City, Cebu.
Ang maong dinakpan naila nga si Jimmy Descartin Cañete, 36 anyos, lalaki, ulitawo, ug residente sa Sitio Tambis, Brgy. Poog, Toledo City, Cebu,kinsa malampusong nadakop sa mga personahe sa Sergio Osmeña MPS uban sa tracker Team sa Toledo CPS PRO 7 (Lead Unit) tungod sa Paglapas sa Sec. 5(i) sa R.A. 9262 ubos sa krimen. numero sa kaso. 27519 nga gi-isyu ni HON. NESTOR R. ANGELES, Presiding Judge sa Regional Trial Court, 9th Judicial Region, Branch 3-FC, Dipolog City pinetsahan og Oktubre 9, 2024 nga adunay piyansa nga girekomendar nga mobalor sa Php72,000.00 alang sa iyang temporaryong kagawasan.
Ang suspek gipahibalo sa iyang Constitutional Rights ug anaa na naka kustodiya sa Toledo CPS, CPPO samtang nagpaabot sa pag-turnover ngadto sa nag-isyu nga korte. (Medalyn U. Borja)
(Source: ZNPPO)