Sikop sa hiniusang operasyon sa mga personahe sa Roxas MPS tracker team kauban ang 90151 RMFB9, ZDN-MARPSTA ug 1st ZNPMFC ang usa 50 anyos nga mag-uuma, mga alas 5:00 ang takna sa kahapunon, niadtong Marso 18, 2025, didto sa Purok 4, Brgy. Banbanan, Roxas, Zamboanga del Norte.
Ang maong dinakpan naila nga si Arnolfo Billiasis Peris, 50 anyos, lalaki, ulitawo, mag-uuma ug residente sa nasangpit nga Barangay,kinsa gisikop pinaagi sa bisa sa bench warrant of arrest tungod sa Paglapas sa Section 3 sa RA 9287 nga nakadocket ubos sa criminal case no. 23163 nga giisyu ni Hon. Ric S. Bastasa, Presiding Judge, RTC, 9th Judicial Region, Dipolog City, Zamboanga Del Norte pinetsahan Hulyo 24, 2019.
Ang suspek gipahibalo sa iyang constitutional rights ug anaa na sa kustodiya sa Roxas MPS alang sa tukmang disposasyon. (Medalyn U. Borja)
(Source: ZNPPO)