Mipahigayun ug Fire Safety Awareness ug Fire Drill ang mga personahe sa Labason Fire Station, niadtong Marso 17,2026, didto sa National High School, nga nahimutang sa Balas, Labason, Zamboanga del Norte.
Ang maong lecture malampusong napahigayon pinaagi sa pagpangulo ni FINSP JOEL S SABIJON, Acting Municipal Fire Marshal, diin tumong niini nga mapalig-on ang pasalig sa kaluwasan sa publiko ug kaandam sa kalamidad.
Alayon niini nga matudlo-an ang mga estudyante, magtutudlo, ug kawani sa eskwelahan sa batakang pamaagi malikay sa sunog, unsay buhaton panahon sa sunog, ug ang kamahinungdanon sa pagpabiling kalmado ug alerto sa mga emerhensya nga muabot.
Gihisgotan sa maong lecture ang topiko kabahin sa kasagarang mga hinungdan sa sunog, hustong pagbakwit, kamahinungdanon sa pagkamabinantayon nga nagpasiugda sa pagkaandam sa tanang panahon ilabi na sa paggamit sa hustong mga ekipo sa kaluwasan batok sa sunog.(MEDALYN U. BORJA)
Source: BFP R9 Labason Fire Station