Samaron na nga gidala sa balay tambalanan ang usa ka babaye homan gidunggab sa usa ka 44 anyos nga lalaki,mga 11:45 ang takna sa kagabhion, niadtong adtong Marso 16, 2026, didto sa Purok 4, Brgy. Ramon Magsaysay, Salug, Zamboanga del Norte.
Naila ang babayeng biktima nga usa ka 41 anyos , minyo, self-employed, ug residente sa samang lugar kinsa nakaangkon ug samad dinunggaban sa iyang sa iyang wala nga bukton ug tudlo.
Samtang ang suspek kinsa midunggab sa biktima nagpangidaron ug 44 anyos, lalaki, minyo, self-employed, ug residente sa Purok 4, Brgy. Ramon Magsaysay, Salug, Zamboanga del Norte.
Nasayran nga ang insidente gitaho mga alas 2:45 sa kaadlawon, hinungdan nga ang mga pulis sa Salug Municipal Police Station daling miresponde sa lugar nga nahitaboan.
Sa inisyal nga imbestigasyon nagbutyag nga sa wala pa ang insidente, ang biktima nagsugo sa iyang bana nga moinom sa ilang tindahan.
Apan sa pagsulod sa ilang balay, ang suspek daw ana ubos sa impluwensya sa ilimnong makahubog ug didto nahitabo ang komprontasyon human gibadlong kini sa biktima bahin sa batasan niini sa pag-inom ug gihulga nga mopasaka og kaso batok sa suspek nga maoy nakapasuko sa suspek, hinungdan nga mikuha kinig kutsilyo ug dayun dunggab sa biktima.
Human sa pagdunggab, misulay sa pag ikyas ang suspek sa pagpugong sa biktima, apan ang mga anak nga lalaki mitabang human makadungog sa kagubot.
Sa tabang sa mga anak nga lalaki niini nawad-an sa balanse ang suspek nga miresulta sa pagkalingkawas sa biktima ug malampusong nasikop ang suspek sa mga miresponde nga kapulisan
Ang suspek gipahibalo sa hinungdan sa iyang pagkadakop ug mga katungod sa konstitusyon sa usa ka pinulongan nga hingpit niyang nasabtan gidala gilayon kini ngadto sa Liloy Integrated Hospital alang sa medikal nga eksaminasyon ug dayon sa Salug MPS alang sa hustong disposisyon ug pagpasaka sa angay nga mga kaso.
Samtang ang biktima gidala gilayon sa balay tambalanan alang sa igong pagtambal.(MEDALYN U. BORJA)
Source: ZNPPO