Gidala sa Provincial Government sa Zamboanga del Norte ang “Kuyog Ta” Medical ug Serbisyo Caravan sa lungsod sa Sibuco aron mahatagan og libreng healthcare ug serbisyo ang mga residente sa layo ug lisod maabot nga komunidad.
Pinaagi sa maong outreach activity, nakapahimulos ang mga katawhan sa libreng check-up, tambal, bitamina, dental services ug veterinary care ubos sa programa ni Governor Darel Dexter Uy.
Kabahin kini sa padayon nga paningkamot sa probinsyal nga panggamhanan nga mapalapad ang access sa healthcare ilabi na sa mga lugar nga kulang sa medikal nga serbisyo.
Gilauman usab nga mas daghan pang medical ug service caravans ang ipahigayon sa ubang munisipyo sa Zamboanga del Norte aron mas daghang residente ang matabangan.(JENIFFER JR. DELICA)
Source: Provincial Government of Zamboanga del Norte