Magmartsa ug magtapok ang gatusang kabatan-onan sa Dapitan City karong alas 3:00 sa hapon alang sa opisyal nga opening ceremony ug parade sa Batang Dasig Free Sports and Arts Summer Camp 2026 sa JRMSU Covered Courts.
Sugdan ang motorcade alas 2:30 sa hapon gikan sa New Government Center padulong sa JRMSU pinaagi sa Gate 2, uban sa pag-apil sa mga young athletes ug artists nga kabahin sa maong summer program.
Tumong sa Batang Dasig nga mapalambo ang talento ug disiplina sa kabatan-onan pinaagi sa sports ug arts samtang gipalig-on usab ang sportsmanship, creativity ug pakig-amigo sa mga partisipante.
Gidapit sa City Government of Dapitan ang publiko nga moapil ug mosuporta sa mga kabatan-onang Dapitanon sa ilang pagsugod sa usa ka mabungahong summer camp.(JENIFFER JR. DELICA)
Source: Dapitan City Government