Gipahigayon ni PLTCOL Ramon I. Bautista Jr., Force Commander sa 2nd ZNPMFC, ang usa ka courtesy call kang Godod Municipal Mayor Richie L. Uy aron palig-onon ang koordinasyon ug panagtambayayong tali sa pwersa sa kapulisan ug lokal nga pangagamhanan.
Tumong sa pagbisita ang pagpalig-on sa panagkasinabtanay sa mga isyu sa kalinaw ug kahusay, paghiusa sa mga operasyonal nga paningkamot sa mga prayoridad sa lokal nga gobyerno, ug pagsiguro nga epektibong masuportahan ang mga inisyatiba alang sa kaluwasan sa komunidad.
Gipasabot sa duha ka lider ang kamahinungdanon sa lig-on nga komunikasyon ug kooperasyon aron mas mapalambo ang mga programa sa peace and order sa munisipyo. Gipasiugda usab nga pinaagi sa hiniusang paningkamot, mas dali masulbad ang mga kabalaka sa seguridad ug mas mapalig-on ang pagsalig sa katawhan.
Ang maong courtesy call nagsilbing pagpasig-uli sa komitment sa kapulisan ug lokal nga gobyerno sa pagpanalipod sa katawhan sa Godod ug sa pagpalambo sa malinaw ug luwas nga komunidad pinaagi sa collaborative governance.(IKEN B. GULLEM)
Source: Zamboanga del Norte 2nd PMFC