Pinaagi sa usa ka parade ug panaghiusa sa mga atleta, gibuksan kagahapong adlawa, Enero 26, ang kinaunahang athletic associations ZANDIDAA 2026 o ang Zamboanga del Norte, Dipolog City, and Dapitan City, Qualifying Meet, nga nagsilbing yawe alang sa usa ka selebrasyon sa “One province, Twin-City Unity” ug preparasyon usab para sa ZPRAA Regional Meet sa Isabela.
Alas 3 sa hapon, didto sa Plaza Magsaysay gisugdan ang parade pinangunahan sa mga opisyal, mga atleta ug technical staff, inubanan sa mga personahe sa kapulisan.
Gilangkuban ang ZANDIDAA gikan Dipolog City Schools Division, Dapitan City Schools Division (DCAA), Dipolog City Athletic Associations (DICAA), Schools Division of Zamboanga del Norte (ZNAA), ug Pres. Manuel Acuña Roxas Warriors, nga mi representar sa ilang nagkadaiyang tulunghaan.
Makita usab ang dakong suporta ni Dapitan City Mayor Belen Uy, human kini miapil ug gipangulohan ang iyang mga sakop, nga nagpakita sa iyang maayong liderato.
Samtang, atol sa paghatag mensahe ni Gov. Darel Dexter Uy, didto sa Zamboanga del Norte Convention and Sports Center, mipahayag siya sa iyang garbo ug pasalamat, lakip ang pahimangno ug paghatag inspirasyonal nga mensahe alang sa mga atleta.
News and photos by: IKEN B. GULLEM