Mipagawas kaniadtong Enero 26, 2026 ug mipahinumdom pag-usab ang kagamhanang lokal ning siyudad sa Dipolog sa tanang tag-iya og yuta nga magbayad sa ilang buwis sa yuta sa sayong panahon aron makapahimulos sa mga insentibo nga gitanyag sa City Government.
Sumala sa buhatan, ubos sa liderato ni City Mayor Roberto Y. Uy, ang City Treasurer’s Office naghatag og 20% diskwento sa mga magbayad sa tibuok buwis sa yuta alang sa 2026 hangtud Enero 31, 2026.
Anaa usab ang amnestiya alang sa mga adunay nahibiling bayranan sa buwis sa yuta, nga magpadayon hangtud sa katapusang bahin sa Mayo karong tuiga.
Gi-awhag ang mga taxpayers, ilabi na kadtong gustong makapahimulos sa diskwento ug amnestiya, nga magbayad na sa hustong panahon aron malikayan ang dugang nga bayranan ug makabenepisyo sa programa sa siyudad.(IKEN B. GULLEM)
Source: Dipolog City Government