Nahimong mas makahuluganon ang selebrasyon sa Kinabayo Festival 2026 alang sa mga pamilya sa Barangay Talisay human direktang gihatod sa ilang mga panimalay ang Fiesta Gift sa City Government of Dapitan.
Usa-usa nga gisuroy sa house-to-house distribution team ang mga kabalayan sa barangay aron mahatagan ang mga gitakdang benepisyaryo og 10-kilogram nga premium rice.
Gipangulohan ni Iolus Adasa ang grupo sa pag-apod-apod nga naningkamot nga maabot ang matag benepisyaryo ug masiguro nga walay pamilya nga mapakyas sa pagdawat sa tabang.
Gawas sa paghatag og pagkaon, ang maong inisyatiba nagdala usab sa mensahe sa pag-atiman ug serbisyo nga mas duol sa mga Dapitanon, ilabi na atol sa selebrasyon sa Kinabayo.
Nahimong posible ang programa pinaagi sa padayong panagtambayayong sa mga national ug local government partners ug Department of Social Welfare and Development (DSWD).
Pinaagi sa house-to-house nga pag-apod-apod, gipakita sa lokal nga panggamhanan nga ang serbisyo mahimong mas makahuluganon kung kini mismo ang moduol sa mga panimalay nga nanginahanglan niini.(IKEN B. GULLEM)
Source: City Information Division-Dapitan City