Isip paghandom sa kasaulogan sa Kwaresma ,ang nga kawani sa Coast Guard Sub-Station, mipalig-on sa ilang kaandam alang sa umaabot nga Katkat Sakripisyo ug Easter Sunday 2026 dinhi sa syudad sa Dipolog, Zamboanga del Norte
Ang maong pagpangandam gipangulohan ni LTJG Allan Joel R. Timbal Jr., Dipolog Coast Guard Sub-Station Commander sa pakig-alayon sa City Disaster Risk Reduction and Management Office (CDRRMO), Bureau of Fire Protection (BFP), Philippine National Police (PNP), ug uban pang partner agencies kinsa mi-apil alang sa hiniusang paningkamot sa pagpangandam sa kalihokan.
Tumong niini nga kalihokan mao ang pagbalansi sa kaandam ug pagsiguro sa komprehensibo nga mga lakang sa kaluwasan,isip mga dedikado nga mga public servants,nga nagpabilin sa ilang pasalig sa pagmintinar sa maritime order, pag-amping sa kinabuhi ug kabtangan, ug pagpatunhay sa kalinaw ug seguridad sa siyudad.
Ilabi na sa mga lugar sa baybayon, diin asa adunay daghang mga tawo ang gilauman nga magtigum alang sa mga relihiyoso nga pagsaulog.(MEDALYN U. BORJA)
Source: Coast Guard Sub-Station Dipolog