Nagahangyo si Mr. Samuel Tubil, 57 anyos lakip na ang tanang residente sa Brgy. Uno, Katipunan, Zamboanga del Norte ngadto sa tag-iya sa duha ka barko nga napadpad sa baybayon sa nasangpit nga lugar nga makuha na unta ang mga barko sa kompanya niini, atol sa paghinabe sa mga tigbalita sa Dipolog, bag-ohay pa lamang, Desyembre 26 ning tuiga.
Gikabalaka-n ug gikagul-an kini sa mga residente sa nahisgutang lugar gumikan sa kusog nga hapak sa balod gikan sa baybayon nga muhapak sa barko lahos sa kilid nga bahin sa matag lomolopyo sa naasoy’ng lugar nga maayong pagkahampak sa balod, rason nga nangaguba ang matag pader sa ilang panimalay.
Matud pa ni Tubil nga mag-tulo (3) na ka tuig ang mga barko nga natambay sa maong lugar nga naabot sa punto nga nangataya ug nangaguba na. Dugang pa niya nga ang usa ka barko nasandig na sa pantalan nga angay na kuhaon ug ang usa hapit na mudasmag sa balay nga nakahatag og kabalaka sa mga lomolopyo.
Kahinumduman nga naabot na kini sa Tulfo in Action ang maong problema sa nasangpit nga dapit gumikan ang gikabalak-an nila mao ang kargamento sa barko nga posibling kargado ug chemical nga kung matandog, kuyaw sa mga residente. Hinungdan nga gisuta kini sa pipila sa kauban ni Tulfo aron kahatagan kini ug tukmang aksyon,pero hangtud ning pagbalita karon anaa pa sa gihapon ang maong barko.
Sa panapos nga pamahayag ni Tubil nga nanghinaut sila nga pamation ang ilang mga hangyo mahitungod na sa barko nga napadpad sa nasangpit nga lungsod. (Angelica T. Obina)