35.8 C
Manila
Wednesday, April 24, 2024

Dipolog: Kasalan sa Zanorte, nagmalampuson

- Advertisement -

Malampusong napatigayon atol sa Adlaw sa Gugma ang Kasalan sa Zanorte 2024 nga gipahigayon didto ZN Cultural and Sports Center ning dakbayan sa Dipolog ,Miyerkules, Pebrero 14,2024.

Ang seremonya gipangulohan ni Gov. Nanay Nene Jalosjos, isip maninay sa 23 ka parisan sa magti-ayon nga bag-ong gikasal, ug pinaagi ni Judge Florendo B. Opay, Presiding Judge, Family Court Branch 4/Acting Presiding Judge, RTC Bracnh 7, inabagan sa Provincial Social Welfare and Development Office nga gipangulohan ni Mr. Alex Sabal.

Si Governor Jalosjos, mipaabot sa iyang mensahe nga nagkanayon nga “tinuod nga gugma usa ka permanenteng butang nga magpabiling tiunay bisan pa sa mga pagsulay”.

Dugang pa niya nga “bisan pag walay forever, ang tinuod nga gugma molahutay.”

Nunot sa maong kalihokan ang kagamhanang probinsya mao ang nitubag sa tanang galastuhunon gikan sa pagproseso sa mga dokumento sa kasal, venue, wedding ring ug wedding cake aron dili na mahasol pa ang paris sa magtiayon nga musalmot sa seremonya.

Kahibaloan nga ang maong Kasalan Sa ZaNorte, maoy ikaduhang hugna ubos sa pagpangulo ni Gov. Nanay Nene Jalosjos, aron matabangan ang mga nag-ipon ipon sulod sa dugay nang panahon nga wala pa mabendisyonan sa legal nga kaminyuon.

Alayon niini ang maayong relasyon sa kaminyuon molungtad taman sa kinatumyan ug ang panaghiusa isip legal nga asawa ug bana maoy sinugdanan sa malipayon nga banay ug sugilanon isip magtiayon.

(Medalyn U. Borja)
(Source: Provincial Government of Zamboanga del Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -