Gipalig-on sa Dipolog City Police Station ang seguridad sa mga tulunghaan sa Dipolog City pinaagi sa school visitation activity sa Saint Vincent’s College ug Dipolog Pilot Demonstration School.
Gipahigayon ang maong lakang aron mapauswag ang koordinasyon tali sa mga eskwelahan ug kapulisan, samtang gipadako usab ang presensya sa pulis sulod sa school premises.
Gipunting sa kapulisan ang pagpausbaw sa kahibalo sa mga estudyante ug personnel bahin sa kaluwasan, ug pag-andam sa tukmang aksyon panahon sa emerhensya o dili kasagarang insidente.
Sumala sa Dipolog PNP, kabahin kini sa ilang padayon nga paningkamot sa paghatag og paspas, matinud-anon, ug mabatyagan nga serbisyo alang sa kalinaw ug kaluwasan sa komunidad.(JENIFFER JR. DELICA)
Source: Dipolog City Police Station ZNPPO