Nakighiusa ang mga Kapulisan sa Dapitan City Police Station sa gipahigayon nga Clean-up Drive nga gipasiugdahan sa City Administrator sa Dakbayan sa Dapitan, maingon man sa mga Empleyado sa Lokal nga Pangagamhanan sa nasangpit nga Syudad, niadtong Hulyo 12, 2025, nga gisugdan sa may alas 6:00 sa buntag.
Ang naasoy nga mga Pnp Personel’s, gipangunahan ni Pltcol. Eva Joy Capurcos nga maoy Officer In-charge sa Dapitan City Police Station, diin ang maong aktibidad, didto gipahigayon sa Punto del Desembarko, sa Sunset Boulevard, sa Dakbayan sa Dapitan, og sako-sako nga mga basura ang nakulekta niini, gikan sa naasoy nga lugar.
Matud pa nga ang nasangpit nga Clean-up Drive Activity gimugna, aron sa pag-andam sa nahisgutang Dakbayan, alang sa umalabot nga Selebrasyon, ug Paghandom sa Kapistahan sa ilang Patron, nga si Sr. Santiago, karong umalabot Hulyo 25, ning tuig 2025.
Nasayran nga ang mga Kapulisan sa Dapitan City Police Station, aktibong nagasuporta sa mga Programa sa naasoy nga Syudad, alang sa padayon nga Kahapsay ug Kalinaw sa tibuok bahin sa Dakbayan sa Dapitan ning Probinsiya sa Zamboanga Del Norte.(Julius Esmade)