Mipahigayon og usa ka lecture sa Police Administration ug Operations si Police Captain Rolly V. Lacay, Deputy Chief of Police sa Dapitan City Police Station, sa Jose Rizal Memorial State University Main Campus sa Dapitan City, ilalom sa pagdumala ni Police Lieutenant Colonel Eva Joy E. Capurcos, Chief of Police.
Gituki sa lecture ang papel ug responsibilidad sa usa ka pulis, lakip ang ilang mga buluhaton sa nagkalain-laing porma sa operasyon, pagdumala sa yunit, ug pagpatuman sa balaod, aron masabtan sa mga estudyante ang tinuod nga kahimtangan sa police service.
Pinaagi niini nga kalihokan, gipakusog ang police-community relations, gipalapdan ang kolaborasyon tali sa kapulisan ug akademya, ug gidasig ang aktibong partisipasyon sa kabatan-onan sa pagpalig-on sa kalinaw ug kahusay sa komunidad.(JENIFFER JR.DELICA)
Source: Dapitan City Police Station ZNPPO