Duha ka representante sa duha usab ka prestihiyoso nga Beauty Pageant, ang mibisita ngadto sa Sangguniang Panlungsod ning dakbayan sa Dipolog sa regular nga sesyon, Hulyo 12 ning tuiga, didto sa hawanan sa konseho.
Si Ms. Rache Franched Santos, 24 anyos nagrepresentar sa dakbayan sa Dipolog sa Miss Philippines Earth 2022 ug Ms. Winwin Anne Sorela kinsa mao usab ang entrante alang sa Queen Philippines 2022 pageant, usa ka transgender woman, 23 anyos gikan sa Brgy. Dicayas ang ma-initong gi-abi-abi sa mga sakop sa konseho sa pagpangulo ni Presiding Officer Bise-Mayor Atty. Senen O. Angeles.
Nasayran nga ang indigay sa Miss Philippines Earth 2022 nagsugod niadtong Mayo 23 pinaagi sa online diin aduna kini 41 ka mga kandidata gikan sa nagkalain-laing parte sa nasud ug ning kasamtangan aduna na lamang 20 ka mga nabiling kandidata human sa makuting piniliay ug usa na niini si Santos.
Samtang  si Sorela, nasayrang mi-apil sa transgender beauty pageant alang sa iyang adbokasiya batok na sa diskriminasyon sa mga LGBTQ.
(Source: Dipolog City Government Facebook page)