Sa tinguhang mas maimprobar pa ang serbisyo sa mga kawani sa kapitolyo ngadto sa mga ZaNortehanons nga manginahanglan sa ilang serbisyo, giporsigi karon sa Kagamhanang-Probinsyal ang pag-invest sa human resources.
Alayon niini, gipangayo ni Governor Rosalina “Nanay Nene” Jalosjos pinaagi kang Provincial Administrator Atty. Dug Cristopher Mah ngadto sa Human Resource Management Office ang paghimo ug plano ug pagtakda ug trainings ug upgrading seminar sa mga kawani sa kapitolyo .
Giila ni Governor Jalosjos nga ang bugtong yabe sa pag-improve sa mga serbisyo sa gobyerno ngadto sa katawhan mao ang pag-invest sa human resources, tungod kay gumikan niini masiguro ang hataas nga kalidad sa serbisyo nga ikatunol sa mga taga Probinsya.
Mahinumdoman nga sayo niini, ang grupo sa mga Engineers ang miadto sa Bacolod City alang sa usa ka convention ug gisundan sa grupo sa mga Certified Public Accountants nga mitambong sa usa usab ka convention.
Karong sunod bulan ang mga abogado na usab ang nakatakdang motambong sa IBP Convention.
Gipasalamatan usab sa gobernador ang mga heads of offices, mga kawani ug mga membro sa Sangguniang Panlalawigan sa ilang padayong suporta ug kooperasyon sa mga programa sa Kagamhanang-Probinsyal nga miresulta sa mga napatumang mga programa sulod sa unom ka bulan sa administrasyon sa Jalosjos.
(Source: Provincial Information Center Zanorte Facebook page)