Gipalawom sa Probinsyal nga Pangagamhanan sa Zamboanga del Norte ang kampanya batok sa malnutrisyon pinaagi sa Nutrition Leadership and Equity Acceleration Program (NutriLEAP), nga gipresentar atol sa 3rd Provincial Nutrition Committee Meeting ug Governor’s Executive Briefing niadtong Hulyo 7.
Ang NutriLEAP usa ka panagtambayayong tali sa Provincial Government of Zamboanga del Norte ug sa Zuellig Family Foundation (ZFF) aron mapalig-on ang nutrition governance ug mapauswag ang mga programa sa kahimsog ug nutrisyon sa mga komunidad.
Gipakita sa report ang pagtaas sa access sa safely managed sanitation services gikan sa 73.25 porsyento niadtong 2024 ngadto sa 78.85 porsyento niadtong 2025, samtang misaka gikan sa pito ngadto sa siyam ka local government units ang gideklarang Zero Open Defecation areas. Gihisgutan usab ang pagpadayon sa mga programa sama sa Early Childhood Care and Development (ECCD), Enhanced Gasang Bahandianon sa Umahan (EGBU), ug Hapag Kapitbahayanan Tugon sa Nutrisyon.
Matud ni Governor Darel Dexter T. Uy, magpadayon ang panagtinabangay sa lokal nga panggamhanan ug mga kaabag nga ahensya aron mapakunhod ang malnutrisyon ug mapauswag ang kahimsog sa mga komunidad sa Zamboanga del Norte.(IKEN B. GULLEM)
Source: Zamboanga del Norte Provincial News Network