Giselebrar sa lungsod sa Jose Dalman, Zamboanga del Norte ang kalampusan sa Jose Dalman Ladies Football Team human makadaog ug mahimong kampyeon sa Hermosa Cup 2025 nga gipahigayon sa Joaquin F. Enriquez Memorial Sports Complex niadtong Oktubre 25–26, 2025.
Ang maong kompetisyon gitambungan sa mga team gikan sa nagkalain-laing lugar sa Mindanao aron ipakita ang ilang mga talento pinaagi sa pag apil sa dula.
Gipadayag ni Mayor Allen Ferrater ang iyang garbo ug pasalamat sa team, mga coach, ginikanan, ug magtutudloo nga nagsuporta kanila. Matud pa niya, dili lang kini kadaugan sa mga atleta apan simbolo usab sa panaghiusa ug suporta sa komunidad.
Mipasalig usab si mayor Ferrater nga magpadayon ang lokal nga pangagamhanan sa Jose Dalman sa pagsuporta sa sports development aron mapalambo pa ang talento sa kabatan-onan ug mapalig-on ang ilang partisipasyon sa mga umaabot nga kompetisyon.(IKEN B. GULLEM)