Usa ka Joint Change of Command Ceremony ang 97th Infantry (KALASAGLAHI) Battalion, 1st Infantry (TABAK) Division, Philippine Army alang sa Alpha Company ug Delta Company ug Change of Chief of Office Ceremony ang gipahigayon alang sa bag-ong leadership sa Logistics Section ang gipahigayon didto sa Headquarters sa 97IB, Barangay Del Pilar,Piñan, Norte Zamboanga del Norte, niadtong Mayo 14,2026.
Gisugdan ang seremonyas pinaagi sa pagpanguna ni Lieutenant Colonel Jessie G. Bergonia, Commanding Officer sa 97th Infantry Battalion, nga nagpasiugda sa kamahinungdanon sa transisyon sa pagpangulo sa pagpadayon sa pagkaepektibo sa organisasyon ug pagsiguro sa pagpadayon sa pagkab-ot sa misyon.
Si First Lieutenant Jonathan Paul R. Booc sa iyang katungdanan isip Officer-in-Charge sa Alpha Company kinsa pormal nga mibiya pinaagi sa Change of Command Ceremony ug hingpit nga gibalhin ang liderato ngadto kang First Lieutenant Romulo B Dawilan III, ang umaabot nga kumander sa Kompanya.
Ingon man,ang pormal nga pagbiya ni Captain Rufino M Deculin Jr. ,sa iyang katungdanan isip Company Commander sa Delta Company ibalhin na ngadto kang Captain Willie Yexel N. Silga, ang incoming Company Commander.
Dugang pa, si Captain Monte Carlo A Valencia sa Change of Chief of Office Ceremony, si Kapitan Monte Carlo A Valencia pormal usab nga mibiya na sa iyang katungdanan isip Logistics Officer ngadto kang Kapitan Rufino M Deculin Jr., kinsa mao na bag-ong na-install isip Logistics Officer sa Battalipn ug hingpit na nga miangkon sa mga responsibilidad.
Sa samang higayon, si Lt Col Bergonia mipadayag sa iyang pagpasalamat sa mga outgoing officers sa ilang dedikasyon ug kontribusyon sa Battalion ug gidasig ang bag-ong na-install nga mga lider nga ipatigbabaw ang propesyonalismo, integridad, ug pasalig sa pagbuhat sa ilang mga katungdanan ug responsibilidad.”
Ang kalihokan naglakip sa pagpresentar sa command plaques, pagpirma sa relinquishment ug assumption orders, ug ang simbolikong pagtugyan sa mga simbolo sa opisina nga nagpasabot sa pagbalhin sa awtoridad ug responsibilidad ug sa katapusan gihimo uban ang pagkumpirma sa Battalion.
Sa ingon niini magpabulin ang pasalig sa pagpadayon sa pagkaepektibo sa operasyon, pagpalig-on sa panaghiusa sa yunit, ug pagsiguro sa padayon nga katumanan sa misyon pinaagi sa takos ug dedikado nga liderato.(MEDALYN U. BORJA)
Source: 97th Infantry ” KALASAGLAHI ” Battalion