Nagtingkagol karon sa prisohan ang usa ka Job Order (JO) sa PEO homan kini masapon sa kapulisan nga nag sideline ug shabu pinaa joint drug buy-bust operation mga 9:34 ang takna sa kagabhion niadtong Hunyo 4, 2026, didto sa Upper Banicapt, Barangay Galas, Dipolog City, Zamboanga del Norte.
Naila ang dinakpan nga si alyas “Mike” 40 anyos , lalaki, minyo, Job Order sa PEO, bag-ong nailhan nga High Value Indibidwal (HVI) ug residente sa Victoria Hills, Poblacion North, Polanco, Zamboanga del Norte.
Gidakop pinaagi sa mga personahe sa Dipolog CPS (SDET) isip (lead unit) uban sa koordinasyon sa PDEA 9.
Nasakmit sa kapulisan gikan sa dinakpan atol sa operasyon mao ang nagkadaiyang pakete sa gituohang shabu nga mutimbang sa 7 gramos sa ilegal nga drugas nga nagkantidad ug PHP 47,600.00.
Lakip sa nasakmit usab ang mga butang nga dili druga nga gilangkuban sa, P500 nga buy-bust money, Usa ka coin purse color itom, green, yellow ug red combination nagsilbing sudlanan sa narekober nga shabu, Duha ka plastic straw ang nagsilbing improvised scoop color black and white, usa ka 50 pesos nga kwarta, Usa ka Honda Beat nga kolor yellow ug itom nga kombinasyon,Usa ka unit nga smartphone OPPO brand color sky blue nga adunay rubber casing color itom.
Ang mga nakumpiska nga drug items i-turn over ngadto sa ZDN Provincial Forensic Unit alang sa eksaminasyon, samtang ang dinakpan gitanggong ubos sa protective custody sa Dipolog CPS alang sa tukmang disposasyon.(MEDALYN U. BORJA)
Source: COP, Dipolog CPS