Ang City Leadership Team nga naglangkob sa nagkalain-laing buhatan sa lokal nga kagamhanan sa Dipolog, pinangulohan ni Mayor Darel Dexter T. Uy, kauban ni POPCOM Regional Director Jeff Fuentes uban sa koordinasyon sa POPCOM-RO9, Zuellig Family Foundation ang mipahigayon sa duha ka hugna sa tigum nga dunay kalabutan sa implementasyon sa Information and Service Delivery Network (ISDN) Progam dinhi sa dakbayan sa Dipolog sugod niaddtong Hulyo 7 ning tuiga.
Ang ISDN maoy usa ka programa nga naghanyag og mga pagbansay-bansay, impormasyon ug uban pang health and social services aron mahatagan sa malungtaron nga kasulbaran ang problema sa teenage pregnancy ning dakbayan.
Nasayran nga taas ang kaso sa teenage pregnancy ning kasamtangan diin adunay natala nga 176 ka mga kabatan-onan ang karon mabdos sa linghod pa nga pangidaron.
Subay niini, ang LGU-Dipolog nga usa ka child-friendly locality lakip na ang sektor sa kabataan pinangulohan ni SK Federation President Mandel Zoe B. Lugasan, ang hingpit nga misuporta sa nasangpit nga programa. Gani mapasalamaton si Lugasan sa ISDN tungod kay kini dako og ikatabang alang na sa sektor nga iyang gi-representahan.
Samtang ang konseho usab ning dakbayan ang andam mopasar og resolusyon nga maghatag  gahum ug otoridad ni Mayor Darel Uy nga mopirma sa Partnership Agreement tali  sa mga Regional ug Local Partners alang  sa pag-establisar sa ISDN ilawom sa Dipolog City Adolescent and Youth Health and Wellness Program dinhi sa Dipolog.
Source: DIPOLOG CITY GOVERNMENT Facebook page
