Usa ka insidente sa pagpamusil ang gikataho nga nahitabo sa may Purok 5, Barangay Bobuan, Bayog, Zamboanga del Sur kaniadtong Abril 22, 2023.
Ang biktima Giila nga si Emmanuel Candido Martillano, 52 anyos, ulitawo, ug residente sa nahisgutang lugar.
Gibutyag sa inisyal nga imbestigasyon sa wala pa ang insidente, samtang ang biktima padulong na mopauli sakay sa iyang motorsiklo, siya gipusil sa riding in tandem.
Tungod niini, ang biktima nakaangkon og upat ka samad pinusilan sa iyang bukobuko ug adunay tulo ka samad sa iyang dughan ug tiyan nga miresulta sa iyang hinanaling kamatayon.
Ang patayng lawas sa gidala na sa balay sa iyang pamilya sa nahisgotang dapit.
Dugang pa, samtang ang mga personahe sa PNP sa ang Mahayag Municipal Police Station nagpahigayon og road blocking operation,
Nakita nila ang mga suspek sakay sa kolor pula nga motorsiklo nga nagpadulong, Nag-aghat ang mga personahe sa PNP sa pagpahunong kanila, apan ang duha ka mga suspek wala motuman, ug nibunot pa’g mugbong armas ug nipusil ngadto sa mga personahe sa PNP nga maoy nakaaghat sa team nga mubalos sa pagpusil.
Usa sa mga suspek nga maoy backrider giila nga si Rolando Dumados, hingkod ang pangidaron, minyo, ug residente sa Barangay Balunay, Midsalip, Zamboanga del Sur kinsa nakaambak gikan sa motorsiklo ug nidagan dayon samtang ang drayber nga giilang si Dionesio Dumados, 27 anyos, minyo, parehong lumulupyo sa gihisgot nga dapit mipadayon sa pagmaneho sa iyang motorsiklo.
Ug didto, gigukod sa PNP personnel ang suspek/backrider nga miambak gikan sa motorsiklo apan nagpadayon ang suspek sa pagpusil kanila.
Isip depensa, ila usab nga gipusil ang suspek.
Tungod niini, ang nahisgutang duha gidakop dayon sa grupo.
Gidala sila sa Bayog Rural Health unit alang sa tambal tungod sa samad pinusilan apan gideklarar nga dead on arrival  si Rolando Dumados sa nag-atiman nga mananambal samtang si Dionesio Dumados gidala sa Margosatubig Regional Hospital alang sa dugang tambal.
Nabawi gikan kay Rolando Dumados ang usa ka cellphone ug usa ka unit caliber .45 pistol nga adunay gisulod nga usa ka magazine samtang nakuha gikan kang Dionesio Dumados ang usa ka unit caliber 9mm pistol nga adunay usa ka magazine nga may sulod tulo ka buhing bala.
Source: PNP
