Misalmot sa gipahigayon nga Inauguration Meeting sa Madrasah Balubuan ang mga personahe sa 905th Maneuver Company, RMFB9,aron sa pagpalig-on sa panag-uban alang sa edukasyon ug kalinaw nga gipahigayon niadtong Hulyo 25,2026, alang sa mga komunidad sa Munisipalidad sa Siocon ug Sirawai Zamboanga del Norte.
Ang maong panag tigom gisalmotan sa mga personahe sa sa 905th MC RMFB 9 ubos sa direktang pagdumala ni PCPT ALNASHRIP A AROLA (Officer-in-Charge),sa 905th MC RMFB 9.
Gitambongan usab ang panagtigo sa founder niini nga si Ma’am Amina Abang, ang Bise-Mayor sa Sirawai ug Siocon, mga Barangay Captain sa Munisipalidad sa Sirawai, ug uban pang mga hingtungdan.
Ang maong kalihokan nagpasiugda sa pasalig sa tanang partisipante nga palig-onon ang kolaborasyon sa pagpasiugda og de-kalidad nga edukasyon, kalinaw, panaghiusa, ug kalamboan sa komunidad.
Usa ka aktibong panag-uban sa mga opisyal sa gobyerno, mga lider sa komunidad, ug mga hingtungdan, diin ang inisyatibo nagtumong sa pagmugna og usa ka komunidad nga mas inklusibo ug progresibo.
Pabilin ang 905th MC, RMFB9 sa ilang pasalig sa pagsuporta sa mga programa ug kalihokan nga makatampo sa malungtarong kalinaw ug kalamboan nga magpalig-on sa relasyon tali sa kapulisan ug komunidad.(MEDALYN U. BORJA)
Source: 905th Maneuver Company,RMFB 9