Giturn-over kagahapong adlawa Marso 14, 2026 ang pipila ka proyekto sa imprastraktura sa mga barangay sa lungsod sa Liloy, Zamboanga del Norte aron mapalambo ang serbisyo publiko ug accessibility sa komunidad.
Gipangunahan kini ni Cong. Ian Amatong, uban sa Team A Board Members JR Brillantes ug Venus Uy, ang turnover ceremony sa Barangay Villa M. Tejero diin opisyal nga gitugyan ang bag-ong multi-purpose building nga gamiton isip barangay hall ug venue sa mga miting ug serbisyo sa barangay. Lakip usab sa giturn-over ang proyekto sa kalsada nga gilauman makatabang sa mas sayon ug luwas nga transportasyon sa mga residente, mag-uuma ug mga lokal nga negosyo.
Sa Barangay Banigan, gitugyan usab ang usa ka multi-purpose building nga magamit sa mga kalihokan sa komunidad, koordinasyon sa emerhensiya ug paghatag sa nagkadaiyang serbisyo sa katawhan.
Samtang, mitambong sa maong kalihokan ang mga representante sa Department of Public Works and Highways (DPWH) nga gipangulohan ni Engr. Ralph Evangelista, Liloy Mayor Roberto “Junjun” Uy Jr., pipila ka miyembro sa Sangguniang Bayan, ug mga opisyal sa barangay nga nanguna sa pagdawat sa mga proyekto nga gipatuman sa DPWH.(IKEN B. GULLEM)
Source: Team Adrian Amatong