Opisyal nang gipadayag ni LTO District Chief Alizar B. Maniri ang kasamtangang pagsuspende sa pagdakop sa mga E-trikes og E-bikes nga masakpan nga mogamit sa mga National Roads diri sa dakbayan sa Dipolog.
Ang pagpanakop naggikan sa kauluhan og orihinal unta nga ipatuman kaniadtong Disyembre 1, 2025.
Matod pa niya, gisiguro lang sa LTO ang seguridad sa mga E-vehicle drivers tungod kay ang National Road agianan lang kini sa mga fast-moving vehicles.
Ang implementasyon posibleng mahimo karung January 2026 og ang masakpan nga mosupak niini, posibleng mapriso og makwaan og lisensya
Gi-awhag usab ang tanang nagpanag-iya og mga E-trikes og E-bikes nga gamiton lang ang naka disensyo nga kadalanan para sa mao nga sakyanan sama sa local roads o barangay roads.Dugang pa, mamahimo ra gihapon silang makalabay o makalabang sa Highways basta dili lang kini gamiton isip main road.
News and photo by: JENIFFER JR. DELICA