Nasikop sa Brgy. Dawo, Dapitan City ang usa ka 65-anyos nga Bulgariano atol sa usa ka joint operation kaniadtong Disyembre 1, 2025. Gidakup siya tungod sa kaso nga pagpanglugos, nga adunay warrant of arrest ug walay girekomendang piyansa.
Gipahigayon ang operasyon sa Dapitan City Police Station uban ang Mabuhay SBC 5th SOU, 901st RMFB9 ug 1st ZNPMFC, human mailista ang suspek sa Top 4 Most Wanted sa city level ug Top 7 sa regional level.
Gihangyo sa Dapitan CPS ang publiko nga magmatngon ug dayon nga mosumbong sa awtoridad kung adunay makita nga suspek o makalilisang nga mga kalihukan sa ilang lugar.(JENIFFER JR. DELICA)
Source/Photo Courtesy: Dapitan City Police Station ZNPPO