Nagpadayon ang ikaduhang adlaw sa 5-Day Mountain Search and Rescue (MOSAR) Training nga gipahigayon sa Conference Hall sa Municipal Market sa Katipunan, Zamboanga del Norte, pinangulohan sa Bureau of Fire Protection Special Rescue Force (BFP SRF).
Gipartisiparan sa mga bombero sa Katipunan Municipal Fire Station ug mga rescuers gikan sa Municipal Disaster Risk Reduction and Management Council (MDRRMC), ang ikaduhang adlaw misentro sa praktikal nga mga ehersisyo ug hands-on training aron mapalambo ang ilang kahanas sa mountain rescue operations.
Gitudloan sa mga SRF instructor ang rope management, knot tying, ug basic rappelling techniques, samtang ang team drills nakatabang sa pagpabakod sa ilang kooperasyon ug komunikasyon ilabi na sa emerhensiya. Ang kalihokan misangkap sa ilang teknikal nga abilidad ug misangkap usab sa ilang kumpiyansa ug pagsalig isip mga rescue partner.(JENIFFER JR. DELICA)
Source: BFP R9 Katipunan Fire Station