Gisugdan sa Dakbayan sa Dapitan ang pagsaulog sa ika-63 Charter Day pinaagi sa flag-raising ceremony sa Government Center niadtong Hunyo 22, nga nagtimaan sa usa na usab ka tuig sa kasaysayan, panaghiusa ug kalamboan sa dakbayan.
Gipangulohan ni Mayor Evelyn T. Uy ug Vice Mayor Gabriel M. Cad ang maong kalihokan nga gitambongan sa mga lokal nga opisyal ug kawani sa gobyerno aron pagpasidunggan ang mga kalampusan sa Dapitan ug ang padayon nga pag-uswag niini alang sa katawhan.
Gipahigayon usab ang nagkalain-laing kalihokan sama sa Thanksgiving Mass, libreng legal clinic ug Larong Pinoy, nga nagtumong sa paghatag og serbisyo ug pagpalig-on sa espiritu sa panaghiusa sa komunidad.
Pagaselyohan ang selebrasyon pinaagi sa grand motorcade, pormal nga programa ug ang gipaabot nga Bangus Festival Boodle Fight, samtang gisaulog sa mga Dapitanon ang ika-63 ka tuig sa pagkamaladkaron sa ilang dakbayan ug ang padayon nga pagtan-aw ngadto sa mas mauswagon nga kaugmaon.(JENIFFER JR. DELICA)
Source: Dapitan City Government