Mokabat sa 200 ka pasyente gikan sa Sindangan, Zamboanga del Norte ug mga kasikbit nga mga barangay niini ang nakapahimulos sa medical ug dental mission nga gipahigayon sa Sindangan District Hospital duyog sa lang ika-56 nga anibersaryo, kaniadtong Oktubre 27, 2025.
Ubos sa tema nga “We Serve, We Care, Together We Heal,” gitanyag sa ospital ang libre nga konsultasyon, libreng tambal, tuli, ug pagpang-ibot sa ngipon aron mapalambo ang kahimsog sa katawhan.
Si Gobernador Darel Dexter T. Uy mipadayag sa iyang bug-os nga suporta, samtang si Dr. Adonis P. Valmoria, OIC Administrator sa ospital, mipasalamat sa padayon nga tabang sa probinsyal nga pangagamhanan nga nakatabang sa pagpalambo sa ilang serbisyo.
Ang kalihokan nagpamatuod sa padayon nga paningkamot sa Sindangan District Hospital nga magpabilin nga haligi sa panglawas ug kaabag sa komunidad sa Zamboanga del Norte.(IKEN B. GULLEM)