“Nahimong nagmalampuson ang among surgery mission tungod usab sa tabang ug suporta sa kagamhanang probinsyal.”
Kini ang mensahe ni Mr. Lindon Seediet Rotarian Past District Governor Rotary Club of Dipolog.
Niadtong Pebrero 27 hangtod Marso 6 mipahigayon sa libreng operasyon sa bungi ug nguho alang sa mga bata ang International Children’s Surgical Foundation (ICSF) pinanguluhan ni Dr. Geoffe Williams.
Ang maong libreng operasyon, katambayayong ang Rotary Club of Dipolog ug ang kagamahanang probinsyal pinaagi sa Zamboanga del Norte Medical Center (ZNMC).
Gibutyag ni Mr. Lindon nga niining misyon karon ni Dr. Williams lakip nga gihatagan sa maong serbisyo ang Ozamis, Cabangcalan, Cadis ug sa gawas sa nasud sama sa Mexico, South America ug Pakistan.
Sumala pa nga ang Rotary Club of Dipolog ug ang ICSF 13 na ka tuig nga panag-uban nga mi- serbisyo sa tibuok lalawigan sa Zamboanga del Norte.
Dugang pa nga human sa pagahimuong operasyon kon adunay dipirensya sa pagsulti ang bata human sa pag-opera, adunay ipahigayong speech therapy nga mamahimong complete package sa misyon uban sa panabang sa kagamhanang probinsyal pinaagi sa ZNMC.
Usab, gidayig si Dr. Williams sa kauban niining mga doctors tungod kay naila kining maayo mo-ayo sa mga na-deform na kaayong mga baba.
Namahayag pa ang maong rotarian nga dili na makita sa tibuok kalibutan nga susama sa misyon ni Dr. Williams.
(Source: Provincial Information Center Zanorte Facebook page)