Nanguna sa Basic Incident Command system (ICS) Level 1 nga training si Mr. Allen Sison, RN, hepe sa Operations and Warning Division sa Zamboanga del Norte Provincial Disaster Risk Reduction and Management Office (ZN-PDRRMO) sa panag-uban sa Office of Civil Defense (OCD) Region IX ug ang Local Government Unit (LGU) sa Indanan, nga mudagan gikan Nobyembre 5–7, 2025 didto sa Indanan Municipal Grounds,
Nagsugod ang kalihukan niadtong Nobyembre 4, 2025 ug adunay tumong nga mapaayo ang kahibalo sa mga lokal nga opisyal ug responders kung unsaon pagdumala sa kalamidad. Pinaagi sa usa ka adlaw nga Disaster Risk Reduction and Management (DRRM) course, naghatag kini giya ug importante nga impormasyon bahin sa kahinungdanon sa pagka-andam ug pagtinabangay sa lain-laing ahensya.
Isip usa ka certified ICS CADRE, si Sison mitudlo gamit ang iyang halapad nga kasinatian sa DRRM ug nagpakita og tinuod nga mga sitwasyon aron mas masabtan sa mga partisipante ang saktong komunikasyon, koordinasyon, ug command system panahon sa emerhensya.
Miapil usab si BGen Emmanuel Cabasan, PA, commander sa 1103rd Brigade, nga nagsilbing guest speaker. Iyahang mensahe nagdasig sa 50 ka partisipante nga ipadayon ang ilang pagpaningkamot sa paglig-on sa mga komunidad batok sa mga katalagman.
Kini nga training maoy unang aktibidad sa OCD Region IX sa Sulu sukad kini nibalhin gikan sa BARMM padulong sa Zamboanga Peninsula. Nagpakita kini sa padayong paningkamot sa OCD ug LGUs sa pagtukod ug lig-on ug andam nga mga komunidad.
Tungod sa maong pagbansay, mas andam ug mas kabalo na karon ang mga lokal nga opisyal ug responders sa pag-atubang og emerhensya.(IKEN B. GULLEM)