Sikop ang usa ka 37 anyos nga mag-uuma atol sa gihimo nga joint intelligence-driven operation sa mga personahe sa,mga alas 9:20 ang takna sa kabuntagon, Nobyembre 4,2025, didto sa Barangay Overview, Liloy, Zamboanga del Norte.
Ang maong dinakpan naila nga si alyas “Rich” 37 anyos, lalaki, minyo, mag-uuma, ug residente sa susamang Barangay kinsa gisikop pinaagi sa Liloy Municipal Police Station (MPS) kauban ang mga personahe sa 2nd Zamboanga del Norte Provincial Mobile Force Company (ZNPMCC) ug 901st Maneuver Company, RMFB9.
Ang pagdakop gihimo pinaagi sa usa ka Warrant of Arrest alang sa krimen nga Serious Physical Injury nga gi-docket ubos sa Criminal Case No. 3392, nga gi-isyu ni Hon. Kathia Adasa-Santiago, Presiding Judge, Municipal Circuit Trial Court (MCTC) Liloy-Tampilisan, 9th Judicial Region, Liloy, Zamboanga del Norte, pinetsahan og Oktubre 27, 2025, nga adunay girekomendar nga piyansa nga 6,000.00 alang sa temporaryong kagawasan.
Ang dinakpan anaa na karon sa kustodiya sa Liloy MPS alang sa tukmang dokumentasyon ug disposisyon. (MEDALYN U. BORJA)
Source: ZNPPO